倪辰祝大家人日生日快樂

倪辰：其實我今年既新年成日喺屋企創作新歌，經常同吉他老師jam歌，希望快啲有新嘅作品比大家。

我細細個都好鍾意同媽咪去街市買餸，成日都會覺得啲茶檔好特別。今日好開心去咗佐敦官涌街市嘅醒記茶檔去整絲襪奶茶同埋腸仔公仔麵。原來沖奶茶唔係我想像中咁容易，有好多工序。首先要有勞工手套，因為啲茶好熱，更何況我個子不是高大，所以其實拎住咁大壺茶都會有啲吃力。原來新加坡嘅絲襪奶茶同我今日沖嘅拉茶都係同出一轍。今日煲嘅嗰碗茶容量好大，沖一杯可口嘅奶茶絕對唔係容易嘅，就等同於我作曲填詞一樣，真係要做好多準備先會有好成果。

好開心嚟緊同黃安弘老師做crossover ，我會唱佢寫既歌開一個live 。《有故事的人》、《螞蟻》、《我沒有傷心》都係我好鍾意嘅歌，希望之後可以同佢做多d音樂交流或者寫歌。呢段時間我會努力練歌，用最好狀態做呢個live。