昨日為歌頌女士的「三八婦女節」,全世界唔同嘅地方都有節慶活動,甚至唔少商店都正進行為期一星期嘅「三八婦女節優惠祭」等天生愛購物嘅一眾女士們嘅佢哋嘅節日Shopping得開心。
著名形象指導許嘉浩(Karl Hui)呢日喺銅鑼灣出席婦女節飾物活動,為到場的38位女士KOL嘉賓配襯適合佢哋嘅飾物。並為佢哋送上呢份飾物禮物,慰勞一眾平時又要工作又要顧家的偉大女士。即間飾物品牌還推出最新合作的一系列Hello Kitty香薰飾物,令在場女士及一眾Hello Kitty迷瘋狂自拍及打咭。
Karl仲透露將於下個月推出其設計的新飾物,以王子與公主「Perfect Match」為題的介子和頸鏈結合設計,更率先吸引在場女士優先預訂。同場的女士嘉賓還有《亞洲小姐2019》亞軍張雯(Alis)、《亞洲小姐2009》友誼小姐張加慧(Karie)以及婦女節也正趕拍TVB新劇《黯黑守護者》的「全中國模特兒大賽」十佳模特兒羅頌欣(Debbie Lo)等等。
《亞洲小姐2019》亞軍張雯(Alis)表示自己鍾情時尚款式的耳環設計,更收藏唔少耳環喺選美或者較隆重場合配搭晚裝裙赴會。更掦言如果到時結婚有小朋友都想生個女仔幫佢扮靚,又會將自己嘅飾物留比佢做嫁妝。受疫情影響,張雯話今年新年都無得番家鄉拜年,留喺香港嘅佢都有盡顯佢女性賢淑嘅一面,學整傳統年糕同賀年食品。趁婦女節佢都請教Karl揀左幾份禮物送比在異鄉嘅長輩女士們寄比佢哋做禮物。
仲向同場第一次見面嘅亞姐師姐張加慧(Karie)分享以前選美經,又想加入選美義工團嘅婦女服務活動,發放女士聯盟力量。
Comments