![](https://static.wixstatic.com/media/5b6ab4_98eeed5938b14cdbb42d3088f16d6c66~mv2.jpg/v1/fill/w_980,h_721,al_c,q_85,usm_0.66_1.00_0.01,enc_auto/5b6ab4_98eeed5938b14cdbb42d3088f16d6c66~mv2.jpg)
由Dream of Cristiano Artist主辦及樂亞公關協辦之「Cristiano 國際超級模特兒慈善大賽2022」在日前於中環舉行媒體發佈會。出席藝人及名人包括:貝安琪、李璧琦、郭思琳、張敬仁、李亦喬、姚亦澧等等。活動將為慈善比賽,部份贊助收益將撥捐保良局作慈善用途。 比賽將分為兒童組(6-12歲)和女子成人組(18-28歲)兩組。經過初選及訓練後,將分別有20名參賽者進入8月份(兒童組)和9月份(女子成人組)的決賽。
而身為大會主席的馮雯熙,原來年青時也追求過演員夢,深深體會過追夢的辛酸,所以當她在其他範疇取得成就時,也不忘貢獻行業及社會:「十幾年前,我都係一個有夢想嘅人。我都做過模特兒,好清楚要係呢一行發展需要機會同埋人脈。雖然我之後亦都轉咗去另外一個行業範疇,但我對呢個行業嘅興趣同埋嗰團火並沒有減退。所以我希望提供一個渠道,比有意從事娛樂事業嘅朋友一個窗口。而舉辦今次比賽,亦都係希望比一個機會給予有興趣嘅朋友,先由模特兒開始,然後踏足其他娛樂事業嘅範疇。好似我自己為例,我都繼續參與幕前演出,因為我相信機會係要自己爭取嘅。而今次我哋比賽有一班好有經驗嘅評審藝人朋友嚟支持我哋。有佢哋嘅經驗分享同埋指導,我相信我哋選出嚟模特兒一定會獲益良多。」
而身為成人組評審的貝安琪(Ankie)及李璧琦(Becky)則對評分各有準則。剛從德國影展回來的ANKIE覺得,最要是對模特兒行業有熱誠和自信:「其實我要求都幾高。行出嚟要令人有眼前一亮,好靚嘅感覺。第二就係一定要準時,呢個係工作嘅操守。」而即將出新歌的璧琦則覺得要身材均秤:「以前做CATWALK模特兒可能一定要身高超過170cm或180cm,但隨著時代轉變,要求都唔同。上圍可能要細啲,著衫都會苗條啲。而且最好望落會有親和力,因為以前做模特兒比人感覺係好遙遠,好Cool。」
另外,準媽媽郭思琳昨天差點暈倒街上,幸好老公當時在旁,及時能照顧思琳:「當時我去超級市場,原本我覺得自己OK,但突然覺得缺氧同眼花。好在我老公死都要跟住我,佢立刻找地方比我坐低。」被問到有否想過比小朋友將來入娛樂圈,她則聲稱沒想過,但不會抗拒:「因為我又係模特兒,老公有係歌手,將來應該都會教小朋友。」
至於以前是同一公司的李亦喬和張敬仁,在今次比賽分別擔當司儀和評審,覺得是一種緣份:「其實我地兩個都係小朋友,所以最適合做兒童組!就算我哋不在同一間公司,我哋都會約見面。」對於和小朋友相處,之前拍攝《反起跑線聯盟》表現不俗的張敬仁 (Kendy) 覺得湊小朋友最緊要是能與他們一起玩:「歡樂、開心係最緊要,一定要花時間同佢哋傾偈。我本身亦唔捨得鬧小朋友,比較喜歡鼓勵佢哋。」而一直有幫手照顧姪仔的李亦喬 (Monnie) 則覺得,最重要是真心對待小朋友:「小朋友係最真嘅,你點對佢就會點對你,所以只要交個心出嚟,佢一定感覺到!」
比賽將會包括便裝、運動服(成人組)、特式服裝(兒動組)及晚裝(成人組)catwalk秀及對答環節。其他資料如下:
比賽時間表:
報名截止日期: 2022年6月30日
第一輪篩選結果公佈: 2022年7月15日
網上投票: 2022年7月18日至7月31日
第二輪篩選結果公佈: 2022年8月7日
成人組宣傳活動及彩排: 2022年8月15日 - 9月29日
兒童組決賽:2022年8月28日
成人組決賽: 9月30日
比賽獎金及獎品:
兒童組
冠軍 Championship
- 港幣2萬之現金獎、贊助獎品(如適用)、獎座及藝人合約一份。
亞軍 1st Runner-Up
- 港幣1萬之現金獎、贊助獎品(如適用)、獎座及藝人合約一份。
季軍 2nd Runner-Up
- 港幣5,000之現金獎、贊助獎品(如適用)、獎座及藝人合約一份。
「最燦爛笑容」大獎 Best Smile Award
- 港幣1,000之現金獎、贊助獎品(如適用)、獎座及藝人合約一份。
「網上最LIKE」大獎(Facebook網上最高得票者) Popularity Award
- 港幣1,000之現金獎、贊助獎品(如適用)、獎座及藝人合約一份。
女子成人組
冠軍 Champion
- 港幣5萬之現金獎、萬希泉陀飛輪手錶一隻 (價值$28,000)、鑽石手袋一個 (冠玲瓏贊助; 價值 $31,900) 、獎座及藝人合約一份。
亞軍 1st Runner-Up
- 港幣3萬之現金獎、萬希泉陀飛輪手錶一隻 (價值$28,000)、鑽石太陽眼鏡一副 (冠玲瓏贊助; 價值 $5,370) 、獎座及藝人合約一份。
季軍 2nd Runner-Up
- 港幣1萬之現金獎、萬希泉陀飛輪手錶一隻 (價值$28,000)、鑽石化妝掃一套 (冠玲瓏贊助; 價值 $4,080) 、獎座及藝人合約一份。
最上鏡大獎 Photogenic Award
- 港幣5,000之現金獎、贊助獎品(如適用)、獎座及藝人合約一份。
最完美體態大獎 Best Body Shape Award
- 港幣5,000之現金獎、贊助獎品(如適用)、獎座及藝人合約一份。
最佳人氣大獎(Facebook網上最高得票者)Popularity Award
- 港幣5,000之現金獎、贊助獎品(如適用)、獎座及藝人合約一份。
報名連結:
コメント