樂壇新人范明熙Vevila (小V) 推出首支派台歌《隨便放閃》，今日 (7月3日) 於灣仔舉行新歌發布會，而張佳添、吳大強、韋綺姍、漢洋亦現身出席支持，電台DJ艾力今次亦為發布會擔任司儀。
范明熙(小V)表示非常榮幸能邀請到各位前輩老師現身出席她的首歌新歌發布會，一同見證她首支派台歌的誕生。而面對前輩們的一致好評，她更淚灑當場，非常感動。
吳大強 (Bill 哥哥) 笑言自己是小V的「忠粉」，二人早已認識，在她出道前曾錄過不少翻唱曲，當時已覺得她「人靚歌甜」，非常欣賞她的歌聲。而小V亦表示非常欣賞Bill哥哥唱功了得，且感情非常投入，若日後有機會開騷，希望請Bill哥哥擔任表演嘉賓。而Bill 哥哥表示日後一定會應邀，更鬼馬說：「大家都知道我有四個仔仔，佢哋四個都available，可以認識下，或者有機會做埋我新抱都唔定。」
今次為小V新歌《隨便放閃》擔任作曲、編曲、監製的張佳添(添Sir) 今日亦現身支持：「呢首歌係根據小V性格、形象、同鍾意影相嘅愛好而度身訂造。初期錄音時佢仲箍緊牙，而大家都力求完美，後期箍完再重錄一次，所以係心血之作，成個效果都好smooth，小V亦有好大進步。」而添Sir 更大讚小V唱功了得：「今日現場聽佢唱Live，基本上好似播碟咁，Very Good !」
韋綺珊亦對小V大讚：「平時聽佢唱慢歌多，無諗過佢唱呢類型嘅歌都咁有groove，值得一讚！」而漢洋更為是次發布會贊助場地，他亦感到驚喜：「小V外貌甜美，好多人會以為佢係行偶像派路線，唱歌會麻麻，但原來唱歌都咁出眾，頭先差D以為佢Mic咀！以我認識，小V對呢個行業都好有心，我亦相信小V除咗唱歌，喺其他範疇都一樣可以發光發亮。」
新歌《隨便放閃》以現代社交媒體文化為題材，小V 表示自己很愛拍照，將美好一面上載到社交媒體「放閃」。歌曲亦正表達了現代人的這個潮流，小V希望歌曲能鼓勵大家追求夢想時勇敢和堅定地展現自己。
范明熙《隨便放閃》收聽鏈結：
Official MV：
