歌手鄺星宇 Alex 近日正積極籌備全新單曲及專輯，預計將於今年內與粉絲樂迷見面。這次新作不僅延續了 Alex 一貫的音樂風格，更融入了全新的創作元素，展現出其音樂事業上的突破與成長。
Alex 表示：「呢隻專輯對我嚟講意義非凡，因為今次呢隻專輯嘅主題係我入行 5年的心路歷程，所以除咗會有為呢隻碟度身訂造嘅新歌之外，都會收錄以往推出過嘅歌曲，因為以往每一首歌都承載住我呢幾年嘅一點一滴，希望能夠透過音樂與大家分享我的故事，並帶給大家更多的感動與力量。」
除了密密籌備新碟之外，Alex 得到很多客戶與品牌的支持，近期受邀出席多場大型活動，包括澳門賀歲花車巡遊，地區活動演出、品牌宣傳及慈善活動等。Alex 表示：「非常感謝客戶們的信任與邀請，俾我有機會參與呢啲精彩活動，更有機會在新年期間，過澳門搵真銀，當晚氣氛超好，仲可以同前輩樊亦敏同台，平時睇電視見三太已經覺得佢超 Nice，但前輩原來同三太呢個角色一樣，都係好 Sweet 好好人，係後台仲不停同我傾計分享經驗，等我唔好太緊張，放鬆心情。勁親民嘅三太令到我覺得自己好似《愛回家》嘅成員，希望將來有機會參與啦，而我遲下出碟，希望有機會送隻專輯比三太，多謝佢嘅鼓勵。」
