兒歌天后Purple姐姐嘅劇團「紫昕音樂世界」迎來十週年，早前於西九龍中心舉辦了慶祝活動，與一眾學員及家長一齊歡度，場面非常熱鬧!
在過去10年當中，Purple姐姐創作嘅勵志歌曲可以話係陪伴一班大小朋友成長，當天除咗演唱10周年音樂劇主題曲「初心不變」之外，還有唱出多首經典歌曲如「木蘭」、「可愛世界」、「福爾摩詩昕的秘密」、「Kids Channel Action」、「Walawala看世界」，仲同大家一齊回顧呢10年來透過音樂劇所創造嘅珍貴回憶！
由於現場座位有所限，但無損歌迷們的熱情，圍欄內外也企滿觀眾，少不了的遊戲環節，大派禮物送俾現場觀眾！當日現場氣氛十分熱鬧，商場多層也站滿圍觀人士，令 Purple姐姐大為感動及開心，感謝大家前來支持，亦感謝所有贊助商禮物！
Purple表示 : 10周年活動一浪接一浪，呢個只係開始，而未來正密鑼緊鼓為下半年的音樂劇做好準備，今年8月及10月也繼續演出2個大型音樂劇，大家密切留意！
Comments