裕美接受新城《寵愛您》訪問願用性命保護毛孩 爆愛犬經常咬爛其內褲教好友五索拍片要夠爆：正經講嘢邊有人聽

裕美到新城廣播接受羅沛琪（Pinky）、施匡翹（Zaina）及華浩然主持的《寵愛您》節目訪問，與男友林作飼養了2隻貴婦及2隻唐狗的裕美，從小到大都在狗狗陪伴下長大，而她喜歡毛孩亦多過人類，裕美解釋：「我隻貴婦好奸，每日咬爛我一條底褲，又或者喺我床上屙尿，但佢最多都係百厭，佢唔似啲奸詐人類，人好複雜，所以我鍾意狗多過人。（咁你愛狗定身邊嗰個多啲呢？）梗係狗啦！」

裕美形容林作平時口沒遮攔，卻名副其實是愛狗之人，「我哋唔會為狗狗吵架，林作得意在隻

狗幾百厭都好，佢唔打唔鬧，如果隻狗喺床上屙尿，我嬲到想打佢籮柚，但林作會即刻抱走

隻狗，然後就會話『佢唔識㗎嘛』！」

裕美經常跟愛犬傾訴心事，她憶述早年患有嚴重抑鬱症時，就是靠愛犬獲得溫暖，「當時唔想

出去見人，匿埋喺屋企又成日失控落淚，好似跌咗落地獄，但我隻狗會主動走嚟我身邊坐定

定，見我流淚，佢又會舐我臉上嘅眼淚，知我唔開心，佢會盡所能安慰你，呢份溫暖好難

得。」裕美又指狗狗的世界只有她，她寧願愛狗也不愛人，「人一變你係唔知佢會有幾恐怖，

狗最多係百厭，所以有咩事我都會攞條命保護啲狗。」

裕美與好友「五索」鍾睿心不時在社交平台上載影片及大談兩性關係，她透露五索想拍，所

以用自己經驗教她如何令人留下深刻印象。羅沛琪形容五索帶給觀眾很多話題及負評，問裕

美是否超出她想像？裕美表示：「絕對係我想像咁，我就係要咁，老實講，你正正經經講嘢邊

會有人聽，一定要爆。（佢甩頭髮？）係佢自己問題，我諗佢壓力好大，未必關外間事，佢私

下可能有好多問題要解決。」詳細節目內容，請留意

4 月 6 日，下午 1 時至 1 時 30 分，新城知訊台《寵愛您》節目，網址：

https://www.metroradio.com.hk/MetroInfo/

4月6日，下午3時至3時30分，MBO TV《寵愛您》節目重播，網址：

https://www.metroradio.com.hk/Superhome/mbotv/default.aspx