穿梭全港13間中學 與學生分享「自我推動術」第二季《電笠：人人和音 SCHOOL TOUR》泳兒重提失聲經歷學習耐性：「最終都要搵個出口畀自己！」洪助昇時刻準備最好狀態 Pandora籲在難過時盡情休息Finally以幽默感化解世事：「睇多啲我哋就學到」

第二季《電笠：人人和音 SCHOOL TOUR》邀來多位歌手及香港運動員到不同中學傳遞「自我推動術」，透過音樂彼此交流，抒解於求學階段的挑戰與壓力。泳兒早前帶同師弟洪助昇，與香港著名長跑好手羅映潮到聖公會聖三一堂中學，與學生近距離分享他們如何面對困難的經歷。而樂隊Pandora及男團Finally，亦聯同香港足球運動員梁冠聰到觀塘功樂官立中學，為同學們打打氣。

泳兒靚聲獻唱《無糖可樂》及《溝渠暢泳》，期間主動走到台下與學生握手、派心，有同學更要求她簽名，場面相當熱鬧。曾經失聲的她坦言是自己的低潮期，既迷茫又失意：「作為一個歌手冇得唱歌，其實你係唔知道自己可以做啲咩。」泳兒以自己的經歷勉勵學生，她說：「係，有段時間你唔知可以點，但係最終最終，你都要搵個出口畀自己。有啲嘢發生咗係一定有原因，可能你未必即刻搵到個答案。」她認為當時最大的學習是耐性，面對迷茫期，不妨逐少逐少走出去：「慢慢一步一步去解決你嘅難關，要畀少少耐性自己。」

剛剛推出新歌《別想跟我再和好》的洪助昇，當然要趁機為同學送上新歌，又唱他的出道作《憑實力單身》，台下反應熱烈，不時傳來歡呼。洪助昇由電視台真人騷開始初試啼聲，靜待4年才到正式出道，問到他的「自我推動術」，洪助昇表示任何時候都要準備好自己：「只要喺自己嘅條件上面做到最好嘅狀態，我相信自然會有機會去到你面前。無論曾經錯失過咩機會都好，我覺得唔需要難過或者放棄，因為只有你堅持，機會先會出現。」

樂隊Pandora同樣為學生送上兩首歌《安全距離》及《痛痛快快活活去》，帶動全場氣氛，不少同學隨首音樂打拍子。他們指「鑽牛角尖」的時候，的確不容易抽身：「自己係好難以一個第三者角度去睇嘅，所以你需要啲咩呢？就係充分嘅休息或者娛樂，令自己可以輕鬆啲。」Pandora又提議同學分散自己的注意力：「之後再返去做同一件事，你就會發覺個feel唔同咗。」

至於，由小薯茄成員組成的Finally，落力獻唱《終於出歌》，深得同學喜愛，他們唱《樓下的貓》時更戴上貓耳頭飾，又到台下與同學拍照互動。Finally分享他們的自我推動絕招：「有時你有好多嘢想做，身邊好多人會同你講『你唔得㗎，你唔好啦』，响呢個時候，我哋Finally就有個習慣，就係去欣賞自己！有建設性就去接受然後改進，就係咁老套。」他們呼籲同學們要學習幽默感，又鬼馬地叫大家多看他們的影片：「幽默感係可以化解到好多嘢，大家睇多啲Finally就可以學得到！」

關於【電笠】 

【電笠】的創立宗旨「Voice of Contemporary ________ . 」，聆聽當代的聲音，就是以不同角度，發掘出最值得關注的事情。中西、潮流、文哲、藝術、電影、音樂都廣泛且深入淺出地指涉得到。只要我們集結起來，就能夠透過各類型跨媒體創作尋找更多可能性，從而演化成一個貪新戀舊、屬於當代的創作團隊。 

Instagram：https://www.instagram.com/dl.thevoc

Facebook：https://www.facebook.com/DL.theVOC

官方網頁：dl.media